नेपाली कांग्रेस संसदीय दलको बैठक बस्दै

काठमाडौं । सत्तारुढ नेपाली कांग्रेस संसदीय दलको बैठक आज (सोमबार)पनि बस्दैछ ।

संसदीय दलको कार्यालय सिंहदरबारमा बैठक दिउँसो १ बजेका लागि बोलाइएको छ । बैठक आइतबार पनि बसेको थियो ।

आजको बैठकमा कांग्रेसबाट सरकारमा सहभागी भएका मन्त्रीहरुको काम र प्रभावकारिताबारे सांसदले आफ्ना धारणा राख्नेछन् ।

त्यसपछि मन्त्रीहरुले सांसदको जिज्ञासको जवाफ दिने छन् ।

यसअघिका बैठकमा सभापति देउवाले सरकारले ल्याएका अध्यादेशको पक्षमा एकढिक्का भएर लाग्ने निर्देशन दिएका थिए ।

संघीय संसदको हिउँदे अधिवेशनको तयारीका लागि कांग्रेस छलफल एवं बैठकमा व्यस्त छ । केपी शर्मा ओली नेतृत्वको सरकारले हालै जारी गरेको अध्यादेशका बारेमा एकजुट हुने र एकीकृत धारणा बनाएर प्रतिरक्षा गर्ने, संसदमा पेस भएका विधेयक पारित गर्न सहयोग गर्नेलगायतका विषयमा बैठकमा छलफल भइरहेको छ ।

संसदको हिउँदे अधिवेशन माघ १८ गतेका लागि बोलाइएको छ ।