प्रेस चाैतारी माेरङकाे अध्यक्षमा थापा

विराटनगर । नेकपा निकट पत्रकार संगठन प्रेस चौतारी नेपाल मोरङ शाखाको अध्यक्षमा चीना थापा निर्विरोध निर्वाचित भएकी छन् ।

विराटनगरमा शनिबार सम्पन्न प्रेस चौतारी मोरङको ९ औं जिल्ला अधिवेशनले थापाको नेतृत्वमा नयाँ कार्यसमिति चयन गरेको हो ।

चौतारी मोरङको उपाध्यक्षमा सशांक पौडेल, महिला उपाध्यक्षमा रन्जना अधिकारी, सचिवमा नवराज भट्टराई, सहसचिवमा कृष्णचन्द्र सुवेदी र समावेशी सहसचिवमा राजकुमारी तामाङ तथा कोषाध्यक्षमा पुन्य पी अधिकारी चयन भएका छन् ।

सदस्यमा निशान्त ढुंगाना, विशाल मण्डल, प्रमोद कार्की, सामना भट्टराई, संगीता राई, शिशिर राई, शिवशंकर परिहस्त, रोहन राई, दीपक खड्का, रामकुमार शर्मा, रोमा दाहाल ९निशा०, कुलदीप बाँस्तोला, विवेक खतिवडा र सुमना भट्टराई चयन भएका छन् ।

जिल्ला अधिवेशनका अवसरमा नेपाल पत्रकार महासंघ मोरङका पूर्वअध्यक्ष महेन्द्र विष्टलाई शालिग्राम–मञ्जु दाहाल पत्रकारिता पुरस्कारबाट सम्मानित गरिएको छ ।
विष्टलाई नगद २१ हजार राशिसहित कोशी प्रदेशका मुख्यमन्त्री हिक्मतकुमार कार्कीले सम्मानित गरेका थिए ।