भारतको महाराष्ट्रमा रेल दुर्घटनामा चार नेपालीसहित १३ जनाको मृत्यु

काठमाडौं । भारतको महाराष्ट्रमा भएको रेल दुर्घटना हुँदा चार नेपालीसहित १३ जनाको मृत्यु भएको छ ।

बुधबार पुष्पक एक्सप्रेस रेलमा आगो लागेको अफवाहका कारण भागदौड हुँदा विपरीत दिशाबाट आएको कर्नाटक एक्सप्रेस रेलले ठक्कर दिँदा यात्रुहरुको मृत्यु भएको थियो । यो घटनामा मृत्यु भएका १३ जनामध्ये ७ जनाको सनाखत भएको छ । जसमा ४ जना नेपाली छन् ।

लछिराम पासी, इम्तियाज अली, बाबु खान र हिमु विश्वकर्मा नेपाली नागरिक रहेको भारतीय सञ्चार माध्ययमले  जनाएका छन् ।

भरतीय सुरक्षाा अधिकारीहरुका अनुसार पुष्पक एक्सप्रेसको रेलमा आगो लागेको हल्ला फैलिएपछि एक यात्रुले इमर्जेन्सी रुपमा रेल रोक्नका लागि प्रयोग गरिने सिक्री तानेका थिए । त्यसपछि रेल रोकिनासाथ यात्रुहरु ओर्लिएर अर्को लिक भएको तर्फ भागेका थिए । त्यही क्रममा विपरीत दिशाबाट आएको कर्नाटक एक्सप्रेस रेलले उनीहरुलाई ठक्कर दिएको थियो ।