सीमावर्ती क्षेत्रबाट डेढ किलो चाँदी बरामद

विराटनगर । प्रहरीले मोरङको धनपालथान गाउँपालिका–२ गोसाई पोखरीनजिकबाट डेढ किलोभन्दा बढी चाँदी बरामद गरेको छ ।

सीमा क्षेत्रको दशगजाबाट प्रहरीले करिब डेढ किलो चाँदी बरामद गरेको हो ।

प्रहरी चौकी अमाहीवरियातीबाट खटिएको टोलीलाई देख्नसाथ चाँदीका गहना र मूर्ति राखिएको कपडाको पोको फालेर महिला फरार भएको मोरङ प्रहरीका प्रवक्ता डीएसपी वेदप्रकाश जोशीले जानकारी दिए । उनका अनुसार पोको फालेर महिला भारततिर नै भागेकी हुन् ।

पोको खोलेर हेर्दा १ किलो ६ सय ग्राम बराबरको चाँदीका गहना र मूर्ति भेटिएको प्रहरीको भनाइ छ । बरामद भएको गहना र मूर्तिको मुल्य २ लाख ६० हजार छ ।