रास्वपा कोशी प्रदेश अध्यक्ष तिम्सिना निलम्बनमा

काठमाडौं । राष्ट्रिय स्वतन्त्र पार्टीले कोशी प्रदेशका सभापति राजेश तिम्सिनालाई निलम्बन गरेको छ ।

शुक्रबार केन्द्रीय अनुशासन आयोगले उनलाई निलम्बन गरेको हो ।

तिम्सिनाले निलम्बित महामन्त्री मुकुल ढकाललाई जिम्मेवारीमा फर्काउन माग गर्दै पत्र लेखेका थिए । पत्र लेखेको र प्रदेशमा सांगठनिक काममा ध्यान नदिएको कारण देखाउँदै रास्वपाले तिम्सिनलाई पार्टीबाट निलम्बन गरेको हो ।

गत १७ पुसमा पूर्व महामन्त्री ढकाललाई जिम्मेवारीमा फर्काउन माग गर्दै तिम्सिनासहित मधेश प्रदेशका सभापति तपेश्वर यादवले कार्यवाहक सभापति डीपी अर्याललाई पत्र पठाएका थिए ।