२१ दिनमा २५८ फरार प्रतिवादी पक्राउ

विराटनगर । सुनसरीमा पछिल्लो २१ दिनमा २५८ जना फरार प्रतिवादी पक्राउ परेका छन् ।

जिल्ला प्रहरी कार्यालय सुनसरीले चलाएको फरार प्रतिवादी खोजी अभियानका क्रममा २०८१ पुस १ गतेदेखि पुस २१ गतेसम्मको अवधिमा २५८ जना फरार प्रतिवादी पक्राउ गरेको हो ।

फैसला कार्यान्वयन अभियान अन्तरगत २१ दिनमा विभिन्न मुद्दाका २५८ जनालाई पक्राउ गरी अदालतमा बुझाइएको सुनसरी प्रहरी प्रवक्ता प्रहरी नायव उपरीक्षक रामप्रसाद तिम्सिनाले जानकारी दिए ।