सरकारको काम पर्याप्त नभएको ओलीको निष्कर्ष

काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले आफू नेतृत्वको सरकारको काम पर्याप्त नभएको स्वीकार गरेका छन् ।

पार्टी केन्द्रीय कमिटी बैठकमा उनले सकारात्मक केही काम भए पनि पर्याप्त काम नभएको प्रतिवेदन पेश गरेका हुन् ।

पार्टी केन्द्रीय कमिटी बैठकमा प्रस्तुत गरेको राजनीतिक प्रतिवेदनमा अध्यक्ष ओलीले सरकारका कामहरूबारे उल्लेख  गरेका छन् । सिद्धबाबा सुरुङ ब्रेक थ्रु, अवरुद्ध प्रमुख राष्ट्रिय राजमार्ग र अन्य पूर्वाधार निर्माणको गति, सुनकोशीको पुल २० दिनभित्रै पुनर्निर्माण, बंगलादेशमा विद्युत् निर्यातको सुरुवात, भैरहवा विमानस्थलमा विदेशी एयरलाइन्सहरूको उडान, स्याटलाइट प्रविधिमा आधारित नयाँ संयन्त्र लगायतका विषयमा काम भएको उल्लेख गर्दै उनले भनेका छन्,‘ ‘नयाँ सरकारका यी कामहरू सकारात्मक छन्, तर पर्याप्त छैनन् ।’