पाँच अंकले बढ्यो नेप्से, ४ अर्ब ८६ करोडको कारोबार

विराटनगर । साताको पहिलो कारोबार दिन आज सेयर बजार परिसूचक (नेप्से) ५.३२ अंकले बढेको छ ।  नेप्से बढेसँगै परिसूचक २५९१.५६ बिन्दुमा पुगेको छ ।

आइतबार ३२७ कम्पनीको ९३ लाख ६ हजार कित्ता सेयर खरिदबिक्री हुँदा ४ अर्ब ८६ करोड २ लाख रुपैयाँको कारोबार भएको छ ।

आज कुल १४१ कम्पनीको मूल्य बढेको छ । ९४ कम्पनीको घट्दा ८ कम्पनीको मूल्य स्थिर भयो ।

आज उपकार लघुवित्त, दोर्दीखोला जलविद्युत् र ग्रिन भेन्चर्स लिमिटेडको सेयर मूल्यमा सकारात्मक सर्किट लागेको थियाे ।