कोशीमा संकटग्रस्त सहकारीको व्यवस्थापनका लागि समिति गठन

विराटनगर । कोशी प्रदेश सरकारले संकटग्रस्त सहकारीको व्यवस्थापनका लागि वरिष्ठ अधिवक्ता भरतबहादुर थापाको नेतृत्वमा समिति गठन गरेको छ ।

बिहीबार बसेको मन्त्रिपरिषद्को बैठकले संकटग्रस्त सहकारीको व्यवस्थापन समितिको गठन गर्दै समितिको काम, कर्तव्य तथा अधिकार टुंग्याएको हो ।

सरकारका प्रवक्ता तथा आन्तरिक मामिला तथा कानूनमन्त्री रेवतीरमण भण्डारीका अनुसार समितिमा सहकारी विज्ञको रुपमा झापाका धनप्रसाद सिवाकोटी र लेखा विज्ञको रुपमा जीवन काफ्लेलाई सदस्य तोकिएको छ ।

समितिमा मन्त्रालयका शाखा अधिकृत रामकुमार श्रेष्ठ सदस्य सचिव तोकिएको छ । समितिमा एक जना सदस्य कोशी प्रदेश सहकारी संघले पठाउनेछ ।