जहदाकाे धुनी बस्तीबाट १५५ किलाे गाँजासहित दुई जना पक्राउ

विराटनगर । प्रहरीले मोरङको जहदा गाउँपालिकाका– १ धुनी बस्तीबाट १५५ किलो गाँजासहित दुई जनालाई पक्राउ गरेको छ ।

विराटनगर महानगरपालिका– १८ स्थित भट्टा चोकमा चेकजाँचका क्रममा प्रहरीलाई छलेर भागेको को १ च ९५८२ नम्बरको स्कारपियोमा लाेड गरेकाे गाँजासहित दुई जनालाई पक्राउ गरेको हो ।

धनकुटाबाट आएकाे साे गाँजा भारत तर्फ लगिदै थियाे ।

मोरङ प्रहरीका अनुसार चालक धरान उपमहानगरपालिका– १२ का २४ वर्षीय राहुल विश्वकर्मा र गाडीमा सवार धनकुटाको सहिदभूमी गाउँपालिका– ६ का १९ वर्षीय सुरज राई  पक्राउ परेका हुन् ।

मंगलबार राति करिब साढे १० बजे प्रहरीकाे चेकिङ छलेर भागेको स्कारपियो खोज्नका लागि डीएसपी वेदप्रकाश जोशीको नेतृत्वमा टोली खटिएको थियो ।

गाडीलाई धुनी बस्तीमा फेला पारेको प्रहरीले घटनाको विषयमा थप अनुसन्धान गरिरहेको जनाएको छ ।