इटहरीमा भेटिएको शङ्कास्पद बस्तु डिस्पोज

विराटनगर । इटहरी उपमहानगरपालिकाको कार्यालय अगाडि फेला परेको शङ्कास्पद बस्तु नेपाली सेनाको टोलीले डिस्पोज गरेको छ । आज बिहान पालिकाको कार्यालय अगाडि शङ्कास्पद बस्तु फेला परेको थियो । बिहान नेपाली सेनाको टोलीले डिस्पोज गरेको हो ।

अज्ञात समूहले उपमहानगरको कार्यालय अगाडिको घुम्ती पसल स्थित कालो झोलामा प्लाष्टिकको झोलामा शङ्कास्पद वस्तु राखेर प्रहरीलाई खबर गरेका थिए ।

प्रहरीलाई गरिएको खबरमा उपमहानगरसँगै भोटेपुल र बूढी खोला पुल मुनि पनि बम राखेको दाबी गरिएको थियो । भोटेपुलमा शङ्कास्पद बस्तु फेला परेन ।

बुढीखोला पुल मुनि एउटा बोरा फेला परेको थियो । शङ्कास्पद देखिएको बोरामा केही नभेटिएकाे जिल्ला प्रहरी कार्यालय सुनसरीका प्रहरी उपरीक्षक सुमन तिम्सिनाले जानकारी दिए ।

उनका अनुसार इटहरी उपमहानगरपालिका अगाडि फेला परेकाे झाेलामा कुकरमा तार बेरिएकाे अवस्थामा फेला परेकाे थियाे ।