भारतका पूर्वप्रधानमन्त्री सिंहको निधन

काठमाडौं । भारतका पूर्वप्रधानमन्त्री मनमोहन सिंहको मृत्यु भएको छ । ९२ वर्षको उमेरमा बिहीबार भारतको दिल्लीस्थित एम्स अस्पतालमा निधन भएको हो ।

भारतमा नरेन्द्र मोदी सत्ता आउनु अगाडि दुई कार्यकाल उनी प्रधानमन्त्री थिए । उनलाई भारतकाे आधुनिक अर्थतन्त्रकाे जग बसाउने नेताको रुपमा सम्बाेधन गरिन्छ ।

भारतीय कङ्ग्रेस नेता सिंह आजै बिरामी भएर अस्पताल भर्ना भएका थिए । अस्पतालले पनि भारतीय समय अनुसार बिहीबार राति ९ः५१ मा मृत्यु घोषणा गरेको जानकारी सार्वजनिक गरेको छ ।