ताेलामा १७०० ले घट्याे सुनकाे मूल्य

विराटनगर ।  आज बिहीबार नेपाली बजारमा सुनको मूल्य घटेको छ । बुधबारको तुलनामा प्रतितोला एक हजार सात सय रूपैयाँ घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४९ हजार रूपैयाँमा कारोबार भइरहेको छ । बुधबार छापावाल सुन प्रतितोला एक लाख ५० हजार सात सय रूपैयाँमा कारोबार भएको थियो ।

बिहीबार चाँदीको मूल्य पनि घटेको छ। बुधबार प्रतितोला एक हजार आठ सय ३५ रूपैयाँमा कारोबार भएको चाँदी बिहीबार प्रतितोला एक हजार सात सय ८० किनबेच भइरहेको छ । चाँदीमा प्रतितोला ५५ रूपैयाँ मुल्य घटेको हो ।