मनाङमा ४.७ म्याग्निच्युडको भूकम्प

काठमाडौं । मनाङमा आज ४.७ म्याग्निच्युडको भूकम्प गएको छ । मनाङको नेस्याङ केन्द्रविन्दु भएर बिहा ४.७ म्याग्निच्युडको भूकम्प गएको भूकम्प मापन तथा अनुसन्धान केन्द्रले जनाएको छ ।

बझाङमा बुधबार र बिहीबार तीन पटक भूकम्प गएको थियो । बुधबार दिउँसो ३ बजे बझाङको धमेना केन्द्रविन्दु भएर ४.१ म्याग्निच्यूडको भूकम्प धक्का महसुस भएको थियो ।

भूकम्पीय क्षतिको दृष्टिले नेपाल उच्च जोखिमयुक्त मानिन्छ । नेपालमा २०८० कात्तिक १७ गते जाजरकोट केन्द्र भएर गएको ६.४ म्याग्निच्युडको भूकम्प जाँदा १५० जनाभन्दा बढीको मृत्यु भएको थियो ।

२०७२ वैशाख १२ गते गोरखाको बारपाक केन्द्र भएर ७.६ म्याग्निच्युडको भूकम्प गएको थियो । भूकम्पमा परी ८ हजार ९ सय बढीको मृत्यु भएको थियो ।