चार सय बढ्यो सुनको मूल्य

काठमाडाैं । नेपाली बजारमा आज (सोमबार) सुनको मूल्य चार सय रुपैयाँले बढेको छ । आइतबार प्रतितोला दुई हजार दुई सय रूपैयाँ घटेको सुनको भाउ आज प्रतितोला चार सय रूपैयाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५१ हजार दुई सय रूपैयाँमा कारोबार भइरहेको छ ।

आइतबार छापावाल सुन प्रतितोला एक लाख ५० हजार आठ सय रूपैयाँमा कारोबार भएको थियो ।

सोमबार चाँदीको मूल्य भने स्थिर रहेको छ। आइतबार प्रतितोला एक हजार आठ सय ४० रूपैयाँमा कारोबार भएको चाँदी सोमबार पनि सोही मूल्यमा किनबेच भइरहेको छ ।