पत्रकार महासंघ मोरङको अध्यक्षमा पाठक निर्वाचित

विराटनगर । नेपाल पत्रकार महासंंघ मोरङको अध्यक्षमा सुशीला पाठक निर्वाचित भएकी छन् । प्रेस चौतारी र प्रेस युनियन गठबन्धनबाट उम्मेदवार बनेकी पाठक ११७ मतसहित निर्वाचित भएकी हुन् । उनका प्रतिस्पर्धी नवराज कट्टेलले ५९ मत प्राप्त गरे ।

महासंघको उपाध्यक्षमा सन्तोष सिग्देल निर्वाचित भएका छन् । सिग्देल  १०१ मतसहित विजयी हुँदा उपाध्यक्षका उम्मेदवार उत्तम पोखरेलले ५८ र सरोज बस्नेतले १७ मत प्राप्त गरे ।

महिला उपाध्यक्षमा तारा आचार्य र विनु तिम्सिनाले बराबर मत ल्याएका छन् । दुवैको मत ८२–८२  छ । बराबर मत भएका कारण आधाआधा कार्यकाल बाडिनेछ । महिला उपाध्यक्षकाे उम्मेदवार रन्जिता पोखरेलले १५ मत प्राप्त गरिन ।

सचिवमा नेत्र अधिकारी १०९ मतसहित निर्वाचित भए । उनका प्रतिस्पर्धी अनिल श्रेष्ठले ७२ मत प्राप्त गरे ।

सहसचिवमा श्यामसुन्दर सुतिहार र रेवती निरौला विजयी भए । समावेशी सहसचिवमा ९३ मतसहित सुतिहार निर्वाचित हुँदा नविन कर्णले ७८ मत ल्याए । सहसचिव खुल्लामा निरौला ९२ मतसहित विजयी हुँदा उनका प्रतिस्पर्धी प्रेम देवानले ५७ सोनुकुमार दासले १७ र तेजन खड्काले १० मत प्राप्त गरे ।  कोषाध्यक्षमा कौशल निरौला १३१ मतसहित विजयी भए । काेषाध्यक्षका उम्मेदवार पदम सरदारले ३७ मत प्राप्त गरे ।

महासंघकाे सदस्यहरुमा  उषाकुमारी सरदार, तिलक नेपाली, विद्यानन्द चाैधरी, सुनिल यादव, डुमरलाल मेहता, अनुज सापकाेटा, इश्वर दुलाल,  कुमार खड्का, बाबुराम निराैला, मुकेशकुमार यादव र राेशन पाेखरेल निर्वाचित भए ।