पत्रकार महासंघ काेशी प्रदेशकाे अध्यक्षमा तीन जनाकाे उम्मेदवारी

विराटनगर । नेपाल पत्रकार महासंघको कोशी प्रदेश अध्यक्षका लागि तीन जनाको उम्मेदवारी दर्ता भएकाे छ । मंसिर २८ गते महासंघको निर्वाचन हुँदैछ । सोमबार अध्यक्षमा तीन जनाकाे उम्मेदवारी दर्ता भएकाे हाे ।

अध्यक्षमा भरत खड्का, विवेक गौतम र सन्तवीर लामाले उम्मेदवारी दर्ता गराएका छन् ।

खड्तका प्रेस चौतरी र प्रेस युनियन गठबन्धनको उम्मेदवार हुन् । गौतम प्रेस सेन्टर, समाजवादी प्रेस संगठनलगायत पत्रकार निकट संघको साझा उम्मेदवार हुन् । लामा नेपाल आदीबासी जनजाती पत्रकार महासंघ (फोनिज)को तर्फबाट उम्मेदवार भएका हुन् ।

महासंघको उपाध्यक्षमा कुमोद अधिकारी र शिवप्रसाद ढुङ्गानाको उम्मेदवारी परेको छ । महिला उपाध्यक्षमा अम्बिका भण्डारी र रीता मोक्तान, महासचिवमा अमृतकुमार बाँस्तोला, राजेन्द्रकुमार राई र हिमाकुमारी चेम्जोङ्गको उम्मेदवारी परेको छ ।

खुल्ला सचिवमा ध्रुव भट्टराई र बाबुराम कार्कीले उम्मेदवारी परेको छ । समावेशी सचिवमा अरविन्दकुमार मेहता र गजेन्द्र राईको उम्मेदवारी परेको छ ।

कोषाध्यक्षमा किशोर बुढाथोकी, बाबुराम भण्डारी, मोहन भट्टराई र सुदीप कोइरालाको उम्मेदवारी परेको छ ।

खुल्ला सदस्यमा विवेक रेग्मी, इन्द्र गिरी, ईश्वरकुमार मगर, चन्द्रबहादुर कार्की, चुडामणि तिम्सिना, पर्शुराम थापा, मनोजकुमार दाहाल, राजकुमार ओली र रामधन राईको उम्मेदवारी परेको छ ।

महिला सदस्यमा अमृता विश्वकर्मा, जोश्ना श्रेष्ठ, बिनु चेम्जोङ्ग, बुद्धमाया सोमी र रामजना अधिकारी (रञ्जना) को उम्मेदवारी परेको छ । दलित सदस्यमा अनिता रसाइली र किशोर विश्वकर्माको उम्मेदवारी परेको छ ।

आदिवासी जनजातीतर्फको सदस्यमा अनिलदेव राई, खनेन्द्रकुमार राई दिनेश सुब्बा र लाक्पा जी शेर्पाको उम्मेदवारी परेको छ । मधेसी सदस्यमा अविनाशकुमार निधि, आशिषकुमार यादव, चन्दनकुमार रौनियार र सत्यनारायण शर्माको उम्मेदवारी परेको छ । अल्पसङ्ख्यक तर्फ लुकमान अन्सारी र विजय धिमालको उम्मेदवारी परेको छ ।पत्रकार महासंघ केन्द्र, प्रदेश र जिल्लाको नेतृत्वका लागि मंसिर २८ गते निर्वाचन हुँदैछ ।