कोशी प्रदेशमा लगानी सम्मेलनकाे तयारी, १ खर्बको लगानी जुटाउने लक्ष्य

विराटनगर । कोशी प्रदेश सरकारले लगानी सम्मेलनको तयारी गरेको छ ।

माघ ११, १२ र १३ गते विराटनगरमा पहिलो पटक लगानी सम्मेलन गर्ने तयारी गरेको हो । यद्धपी यो मिति फेरबदल हुनसक्ने सम्भावना पनि छ ।

लगानी सम्मेलनमा ७० वटा परियोजना प्रस्तुत गर्ने तयारी छ । यसरी प्रस्तुत हुने परियोजना २ खर्ब हाराहारीका छन् ।

एक खर्ब बराबरका परियोजनामा लगानी सम्झौता (एमओयू) गर्ने लक्ष्य रहेको कोशी प्रदेश लगानी प्राधिकरणका प्रमुख कार्यकारी अधिकृत डाक्टर सरोज कोइरालाले जानकारी दिए ।

न्यूनतम १० करोड रुपैयाँदेखि ३२ करोड रुपैयाँ लागत अनुमान गरेका परियोजना सम्मेलनमा प्रस्तुत हुनेछन् । कृषि, पर्यटन, उद्योग, ऊर्जा, आइटी र पूर्वाधार क्षेत्रका परियोजना प्रस्तुत गर्ने सरकारकाे तयारी छ ।