जनकपुरको लागातार तेस्रो जित

काठमाडौं । नेपाल प्रिमियर लिग (एनपिएल) मा जनकपुर बोल्ट्सले तेस्रो जित निकालेको छ । उत्कृष्ट लयमा रहेको जनकपुरले पोखरा एभेन्जर्सलाई ७ विकेटले पराजित गर्दै लगातार तेस्रो जित निकालेको हो । तेस्रो जित सँगै जनकपुर शीर्ष स्थानमा छ ।

कीर्तिपुरस्थित त्रिवि मैदानमा बिहीबार दिनको पहिलो खेलमा पोखराले दिएको १३९ रनको सामान्य लक्ष्य जनकपुरले ३ विकेटको क्षतिमा १७.१ ओभरमै पूरा गर्‍यो।

पोखराका लागि अलराउन्डर जिमी निशमले नटआउट ४० रन जोडे । क्यानेडियन अलराउन्डर हर्ष थाकरले नटआउट १३ रन बनाए ।

ओपनर तथा कप्तान अनिलकुमार साह एक रनमा आउट भए । आसिफ शेखले ३४ बलमा ३३ रन जोडेका थिए । लाहिरू मिलान्थाले ४५ रनको योगदान गरे ।

टस जितेको जनकपुरले फिल्डिङ रोजेपछि पहिले ब्याटिङ गरेको पोखराले ७ विकेटको क्षतिमा १३८ रन जोडेको थियो ।

ओपनिङमा आएका दिनेश खरेलले १० रन जोडे । ओपनर आन्द्रेस गौसले २० रन जोडे ।
कप्तान कुशल भुर्तेल ६ रनमा आउट भए । मार्कस क्रिचलीले ३५ रन जोडे । अलराउन्डर माइकल लिस्कले १३ बलमा २५ रन जोडेका थिए ।

बलिङमा जनकपुरका ललित राजवंशीले ३ विकेट लिए ।