दक्षिण काेरियामा फिर्ता भयाे ‘मार्सल ल’

काठमाडौं । नागरिक तहको आन्दोलनका कारण दक्षिण कोरियाामा लागू भएको सैन्य शासन केही घण्टा मै फिर्ता भएको छ । ब्यापक विरोधपछि राष्ट्रपति यूं सुक येओलले मार्सल ‘ल’ घोषणाबाट फिर्ता भएका हुन् ।

उनले मंगलबार सैन्य शासनकाे घाेषणा गरेका थिए । लगतै बहुमत सांसदले सदनमा त्यसको कडा प्रतिवाद गरे । जनताले पनि आन्दाेलन गरे । त्यसपछि राष्ट्रपति यू मार्सल ‘ल’ लागू गर्ने घोषणा गरेको केही घण्टा मै पछि हटेका हुन् । यो सँगै उनको पद पनि संकटमा परेको छ ।

सिओलको नेशनल ऐसम्ब्ली अर्थात् राष्ट्रिय सभामा उपस्थित १९० जना सांसदहरुले सर्वसम्मत रुपमा राष्ट्रपतिको कदमलाई खारेज गरिदिएका थिए । राष्ट्रपतिको कदमलाई लिएर संसदबाहिर पनि प्रदर्शन भएको थियो । राष्ट्रपति पछिहटे पछि नेशनल ऐसेम्लीमा खटिएका सैनिक पनि फिर्ता भएका छन् ।