स्थानीय तह उपनिर्वाचन : ग्रामथानमा खस्यो साढे १८ हजार मत

विराटनगर । मोरङको ग्रामथान गाउँपालिकाका अध्यक्षका लागि भएको निर्वाचनमा १८ हजार ५ सय ७७ मत खसेको छ ।

मुख्य निर्वाचन अधिकृतको कार्यालका अनुसार १८ हजार ५ सय ७७ मत खसेको हो ।

यो कुल मतदाताको करिब ७१.३ प्रतिशत हो । ग्रामथानमा २६ हजार ४४ मतदाता छन् ।

ग्रामथानमा ९ हजार ६ सय ७७ जना महिला र ८ हजार ९ सय जना पुरुषले मतदान गरेको छन् ।

आज बिहान ७ बजेदेखि साँझ ५ बजेसम्म मतदान भएको थियो ।

मतदानपछि मतपेटिका संकलन भइरहेको छ । आजै सर्वदलीय बैठक पछि मतगणना सुरु गर्ने तयारी छ ।