डिआइजीमा बढुवाका लागि ८ जनाकाे नाम सिफारिस

काठमाडाैं । गृह मन्त्रालयको बढुवा सिफारिस समितिले नेपाल प्रहरीका ८ जना प्रहरी वरिष्ठ उपरीक्षक (एसएसपी)लाई डिआइजीमा बढुवाका लागि सिफारिस गरेको छ ।

बढुवा सिफारिस समितिको आइतबार बसेको बैठकले नेपाल प्रहरीको जनपदप्रहरी तर्फका ८ जना एसएसपीलाई डिआइजीमा बढुवा गर्न सिफारिस गरेको हो ।

डिआइजी बढुवामा सिफारिस हुने एसएसपीहरूमा ध्रुबराज राउत, भोलाबहादुर राउत, गणेश चन्द, सिद्धिबिक्रम शाह, सुशिलसिंह राठौर, उमाप्रसाद चतुरवेदी, हिमालयकुमार श्रेष्ठ र डम्बरबहादुर विक छन्।

बढुवा समितिको सिफारिस मन्त्रिपरिषद बैठकले अनुमोदन गरेपछि उनीहरूको बढुवा हुनेछ ।