यस्तो छ विराटनगर किंग्सको जर्सी र टोली

विराटनगर । नेपाल प्रिमियर लिग (एनपिएल) टोली विराटनगर किंग्सले जर्सी सार्वजनिक गरेको छ ।

मंगलबार साँझ कोशी प्रदेशका मुख्यमन्त्री हिक्मतकुमार कार्कीको उपस्थीतिमा मार्की खेलाडी सन्दिप लामिछानेले जर्सी सार्वजनिक गरे ।

विराटनगरको जर्सीको कलर पहेँलो र निलो छ । टिमको ऐन्थम गीत पनि सार्वजनिक भएको छ । कुशल पोखरेलले गीत गाएका हुन् ।

एमएडी ड्रिम्स स्पोर्ट्सको स्वामित्वमा रहेको विराटनगर किंग्सको मार्की खेलाडी लामिछाने छन् ।आईपीएल खेलेका सन्दीपले विश्वभरका अन्य चर्चित फ्रेन्चाइज लिग खेलेका छन् ।

विराटनगरमा नेपालको राष्ट्रिय टिमबाट खेलिसकेका प्रतिश जिशी, लोकेम बम, बासिर अहमद र जितेन्द्र मुखिया छन् । उमेर समुहबाट राष्ट्रिय टोलीका लागि खेलेका दिपक बोहरा, सुवास भण्डारी र नरेन भट्ट पनि छन् ।

विराटनगरको टिममा विश्वकै चर्चित खेलाडी मार्टिन गप्टिल पनि जोडिएका छन् । ओमानका अलराउण्डर आकिब इल्यास, क्यानडाका कप्तान निकोलस किर्टोन विराटनगरमा छन् ।

विराटनगरको मुख्य प्रशिक्षकमा आयरल्याण्डका पूर्व खेलाडी केभिन ओ’ब्रायन छन् ।