रास्वपा सभापतिलाई थप १० दिन हिरासतमा राख्ने अनुमति

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई कास्की जिल्ला अदालतले थप १० दिन हिरासतमा राख्न अनुमति दिएको छ ।

कास्की जिल्ला अदालतका सूचना अधिकारी सुरज अधिकारीका अनुसार कार्तिक १५ गतेदेखि गणना हुनेगरी अदालतले प्रहरीलाई अनुसन्धान गर्न  समय दिएको हो ।

गत कात्तिक २ गते पक्राउ परेका लामिछानेलाई तेस्रो पटक म्याद थपका लागि मंगलबार अदालत लगिएको थियो । यसअघि सुरुमा ६ दिन, त्यसपछि ७ दिन म्याद थप भएको थियो ।

लामिछानेमाथि कास्की प्रहरीले सहकारी ठगीको अभियोगमा अनुसन्धान गरिरहेको छ ।