पोखराबाट रवि लामिछानेका समर्थक पक्राउ

पोखरा । प्रहरी नियन्त्रणमा रहेका पूर्वगृमन्त्रीसमेत रहेका राष्ट्रिय स्वतन्त्र पार्टी सभापति रवि लामिछाने छाड्न माग गर्दै प्रदर्शनमा उत्रिएका ७ जनालाई प्रहरीले पक्राउ गरेको छ ।

निषेधित क्षेत्र तोडेको आरोपमा पक्राउ गरेको हो ।

लामिछानेलाई म्याद थपका लागि अदालत लगिएको छ । उनलाई अदालत लगेपछि उनका समर्थकले प्रदर्शन गरेका हुन् । सहकारी ठगी आरोपमा लामिछाने कात्तिक २ गते पक्राउ परेका थिए ।

निषेधित क्षेत्रभन्दा अगाडि प्रहरी घेरा तोड्न खोजेपछि झडपसमेत भएको थियो । प्रहरीले लाठीचार्ज, अश्रुग्यास प्रहार गरेर आन्दोलनकारीलाई तितरबितर बनाएको थियो ।