घट्यो सुन–चाँदीको बजार भाउ

विराटनगर । निरन्तर बढी रहेको सुनको बजार मूल्य आज मंगलबार घटेको छ ।

गत कात्तिक १३ गते प्रतितोला एक लाख ६८ हजार ५०० रूपैयाँमा कारोबार भएको सुनको मूल्य त्यसयता लगातार बढेको थियो । कात्तिक १५ गते प्रतितोला एक लाख ७१ हजार रहेको थियो ।

मंगलबार स्थानीय बजार प्रतितोला एक लाख ६८ हजार २०० रूपैयाँ कारोबार मूल्य तोकिएको नेपाल सुनचाँदी व्यवसायी महासंघले जनाएको छ । यो अघिल्लो दिनको कारोबार मूल्यको आधारमा यस दिन सुनको मूल्य दुई हजार आठ सय रूपैयाँ कम हो ।

आज चाँदीको मूल्य पनि घटेको छ। यस दिनको लागि प्रतितोला दुई हजार ३० रूपैयाँ मूल्य निर्धारण गरिएको महासंघले जनाएको छ। अघिल्लो दिनको कारोबार मूल्य दुई हजार ९० रूपैयाँ थियो ।