पटका पट्काउँदा माेरङमा दुई जना घाइते

विराटनगर । तिहारमा पटका पड्काउँदा माेरङमा दुई जना घाइते भएका छन् ।

विराटनगर र रंगेलीमा बिहीबार राति घटना भएको हो । बिहीबार मध्यराति पटका पड्काउँदा विराटनगर महानगरपालिका–४ का ३८ वर्षीय पंकज गुप्ता घाइते भएका छन् । पट्का पड्काउँदा छर्राले उनको दाहिने हातमा चोट लागेको छ ।

प्रहरीका अनुसार गुप्ताको विराट शिक्षण अस्पतालमा उपचार भइरहेको छ ।

रंगेली नगरपालिका–६ मा १३ वर्षीय बालक घाइते भएका छन् । पटका पड्काउँदा प्रकाश महतोका छोरा सुशीलकुमार महतो घाइते भएको प्रहरीले जनाएको छ ।

पटकाको छर्राले लागेर उनको दुवै हात र पेटमा चोट लागेको छ ।