साफ जित्ने सपना फेरि अधुरै

काठमाडौं । नेपालकाे साफ वुमन्स च्याम्पियनसिप उपाधि जित्ने लक्ष्य अधुरै बनेको छ ।

घरेलु मैदानमा बुधबार भएको साफ वुमन्स च्याम्पियनसिप २०२४ को फाइनलमा बंगलादेशसँग २-१ ले पराजित हुँदा उपाधि जित्ने लक्ष्य अधुरै भएको हाे ।

घरेलुु मैदानमा बंगलादेशसँग उपाधि भिडन्तमा नेपाल चुकेकाे याे लगातार दाेस्राे पटक हाे ।

त्रिपुरेश्वरस्थित दशरथ रंगशालामा भएको फाइनल खेलमा बंगलादेशका लागि ५२ औं मिनेटमा मोनिका चक्मा र ८१ औं मिनेटमा ऋतु पोर्ना चक्माले गोल गरे । नेपालका लागि अमिशा कार्कीले ५६ औं मिनेटमा मात्र एक गोल फर्काइन् ।