राजमार्गमा पटके कर असुली राेक्न गृहकाे पत्र

काठमाडौं । गृह मन्त्रालयले जिल्ला प्रशासन कार्यालयहरुलाई पत्र पठाउँदै राष्ट्रिय राजमार्गमा स्थानीय तहले उठाउँदै आएकाे ‘पटके कर’ रोक्न निर्देशन दिएको छ । स्थानीय तहहरुले राजमार्गमा ढाँट राखेर कर असुल गरिररहेका छन् ।

साेमबार गृह मन्त्रालयले ७७ वटै जिल्ला प्रशासन कार्यालयहरूलाई परिपत्र गर्दै राष्ट्रिय राजमार्ग तथा सहायक राजमार्गहरूमा करहरू उठाउन रोक्न निर्देशन दिएको हो ।

मन्त्रिपरिषद्को २०७५ मङ्सिर १७ गतेको बैठकले सङ्घ मातहत भएका कुनै पनि राजमार्गमा प्रदेश तथा स्थानीय तहले कुनै पनि प्रकारको कर उठाउन नपाउने निर्णय गरेको थियो । तर, विभिन्न स्थानमा ढाँट राख्दै पटके कर असुली गर्दै आएका छन् । यातायात व्यवसायीले यही कात्तिक ५ गते यसलाई रोक्न आग्रह गरेका थिए । व्यवसायीकाे गुनासाे पछि गृहले  ७७ वटै जिल्ला प्रशासन कार्यालयलाई परिपत्र गरेको हो ।