भारतलाई पराजित गर्दै नेपाल फाइनलमा, उपाधिका लाथि बंगलादेशसँग खेल्ने

विराटनगर । घरेलु टोली नेपाल साफ महिला च्याम्पियनसिप २०२४ को फाइनलमा प्रवेश गरेको छ । सेमिफाइनलमा भारतलाई पेनाल्टी शुटआउटमा हराउँदै नेपाल फाइनलमा पुगेको हो ।

आइतबार राति दशरथ रंगाशालामा भएको सेमिफाइनल खेलमा पेनाल्टी शुटआउटमा नेपालले भारतलाई पराजित गरेको हो ।

विवादले दुई पटकसम्म रोकिएको खेल एक–एक बराबरीमा खेल सकिएको थियो । विवादका कारण अवरोध भएको खेल १७ मिनेट सम्म लम्बिएको थियो ।

पेनाल्टी शुटआउटमा नेपालले चार गोल गर्दा भारतले दुई गोलमात्रै गरेको हो ।

फाइनलमा नेपालले बुधबार बंगलादेशसँग खेल्नेछ ।

नेपाल र भारतबीच साफको सेमिफाइनलमा दोस्रो पटक प्रतिस्पर्धा भएको हो । सन् २०२२ मा दशरथ रंगशालामै भएको सेमिफाइनलमा नेपालले भारतलाई पराजित गरेको थियो । बंगलादेशले भुटानलाई ७–१ ले हराएर दोस्रो पटक फाइनलमा स्थान पक्का गरेको थियो ।