महिला साफको फाइनलमा बंगलादेश

काठमाडौं । साविक विजेता बंगलादेश साफ वुमन्स च्याम्पियनसिप २०२४ को फाइनलमा प्रवेश गरेको छ ।

त्रिपुरेश्वरस्थित दशरथ रंगशालामा आइतबार भएको पहिलो सेमिफाइनलमा भुटानमाथि ७–१ को जित निकाल्दै फाइनल प्रवेश गरेको हो ।

बंगलादेशको यो लगातार दोस्रो फाइनल यात्रा हो । बंगलादेश समग्रमा तेस्रो पटक फाइनल पुगेको हो ।

सन् २०१६ मा पहिलो पटक फनइनल पुग्दा भारतसँग पराजित भएको थियो ।

सन् २०२२ मा काठमाडौं भएको साफमा नेपाललाई पराजित गर्दै उपाधि जितेको थियो ।

बंगलादेशले उपाधिका लागि नेपाल भारतबीच विजेतासँग खेल्नेछ ।