काेशी प्रदेशमा ‘दाना’को आंशिक प्रभाव, यस्तो छ आजको मौसम

काठमाडौं । बङ्गालको खाडीमा विकसित चक्रवात “दाना” को आंशिक प्रभाव नेपालमा अझै छ । मौसम पूर्वानुमान महाशाखाका अनुसार पश्चिमी वायु र दानाको प्रभावले कोशी प्रदेशमा आंशिकदेखि साधरणतया बदली छ ।

कोशी प्रदेशको एक–दुई स्थानहरूमा हल्का वर्षा भईहेको छ।आज दिउँसो कोशी प्रदेशलगायत देशका पहाडी भूभागमा आंशिकदेखि साधरणतया बदली र बाँकी भूभागमा आंशिक बदलीदेखि मौसम मुख्यतया सफा रहने छ । देशका पहाडी भूभागका एक–दुई स्थानमा चट्याङ्ग सहित हल्का वर्षाको सम्भावना रहेको छ ।

आज राति कोशी प्रदेशलगायत देशका पहाडी भूभागमा आंशिक बदली रही बाँकी भूभागमा आंशिक बदली देखि मौसम मुख्यतया सफा रहने छ । कोशी प्रदेशका पहाडी भूभागका एक–दुई स्थानमा चट्याङ्गसहित हल्का वर्षाको सम्भावना रहेको छ ।

कोशी प्रदेश लगायत देशको पहाडी भूभागका एक–दुई स्थानमा चट्याङ्गसहित हल्का वर्षाको सम्भावना रहेकोले कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ ।