श्रीलंकाको पोष्टमा नेपालकाे ६ गोल, फाइनल प्रवेशका लागि भारतसँग खेल्ने

काठमाडौं । नेपालले साफ वुमन्स च्याम्पियनसीपमा श्रीलंकामाथि शानदार जित निकाल्दै समूह विजेता बनेको छ । समूह विजेता बन्दै अन्तिम चारमा प्रवेश गरेकाे नेपालले फाइनल प्रवेशका लागि भारतसँग खेल्नेछ ।

त्रिपुरेश्वरस्थित दशरथ रंगशालामा भएको खेलमा नेपालले श्रीलंकालाई ६–० ले हराएको हो ।

त्रिपुरेश्वरस्थित दशरथ रंगशालामा भएको खेलमा नेपालका लागि रेखा पौडेलले दुई, सबिता राना मगर, सावित्रा भण्डारी, अमिसा कार्की र रश्मी कुमारी घिसिङले एक-एक गोल गरे ।

नेपाल र भुटानले समूह बीमा ३ खेलबाट समान ७ अंक जोडे । तर गोल अन्तरमा नेपाल अघि रह्दै समूह विजेता बन्याे

साफ वुमन्स च्याम्पियनसिपमा अहिलेसम्म भएको सबै सातवटै संस्करणमा नेपाल सेमिफाइनल पुगेको छ ।

नेपालले  फाइनल प्रवेशका लागि आइतबार समूह ए को उपविजेता भारतसँग प्रतिस्पर्धा गर्नेछ । अर्को सेमिफाइनलमा समूह ए को विजेता बंगालदेश र समूह बी को उपविजेता भुटान भिड्नेछन् ।