रवि र छविलाई थप सात दिन हिरासतमा राख्न अनुमति

पोखरा । सूर्यदर्शन सहकारीको बचत अपचलन गरेको आरोपमा पक्राउ परेका पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई अदालतले थप सात दिन हिरासतमा राख्न प्रहरीलाई अनुमति दिएको छ ।

जिल्ला अदालत, कास्कीका न्यायाशीध चन्द्रकान्त पौडेलको इजलासले रवि र पूर्वडिआइजी छविलाल जोशीलाई थप सात दिन हिरासतमा राख्न अनुमति दिएको हो ।

पोखरास्थित सूर्यदर्शन सहकारीको रकम हिनामिना प्रकरणमा लामिछाने कात्तिक २ गते पक्राउ परेका थिए । उनलाई सोही दिन राति पोखरा लगिएको थियो ।

आइतबार अदालतमा उपस्थित गराउँदा अदालतले ६ दिन हिरासतमा राख्न अनुमति दिएको थियो । अदालतले दिएको समय सकिएपछि प्रहरीले आज म्याद थपका लागि अदालतमा उपस्थित गराएको थियो ।

पूर्व डीआईजी जोशी  असोज ६ गते पक्राउ परेका थिए ।