रास्वपाको आन्दोलनमा सहकारी पीडितको दुखेसो

काठमाडौं । सभापति रवि लामिछानेलाई छाड्न माग गर्दै आन्दोलनमा उत्रिएको राष्ट्रिय स्वतन्त्र पार्टी (रास्वपा)का नेताको गतिविधिप्रति सहकारीपीडितले गुनासो गरेका छन् । पार्टीका नेता कार्यकर्ताले मुद्दाको अनुसन्धान प्रभावित पार्न खोजेको भन्दै गुनासो गरेका हुन् ।

रास्वपाका नेता तथ कार्यकर्ताहरुले घरघरमा पुगेर मुद्दालाई प्रभावित पार्न खोजेको गुनासो पीडितको छ । सूर्यदर्शन सहकारीका पीडितहरूले रास्वपाका नेता र कार्यकर्ताहरूले घरघर पुगेर पीडितहरूलाई धम्क्याउने र प्रभावित पार्ने प्रयत्न गरेको दाबी गरेका छन् ।

सूर्यदर्शन बचत पीडित संघर्ष तथा तदर्थ समिति पोखराले एक विज्ञप्ति जारी गर्दै रास्वपाका नेता र कार्यकर्ताहरुले घरघरमा पुगेर पीडित बचतकर्तालाई भड्काउने काम गरेको आरोप लगाएको छ ।