दमकमा युवकको हत्या

विराटनगर । झापाको दमकमा एक युवकको हत्या भएको छ ।

दमक नगरपालिका–९ का ३२ वर्षीय देशु भनिने यामु निरौलाको मावा खोलाको पुलमा हत्या भएको हो ।

झापा प्रहरीका प्रवक्ता डीएसपी कृष्णकुमार चन्दका अनुसार कुटपिट गरि हत्या भएको हो ।

प्रहरीका अनुसार दमक–३ स्थित दमक–मधुमल्ला सडक खण्डको मावा खोलाको पुलमा निरौलाको मंगलबार दिउँसो ४ बजेतिर हत्या भएको हो । उनीमाथि दुई जनाले कुटपिट गरेका थिए ।

हत्याको कारण खुल्न नसकेको बताएको प्रहरीले घटनामा संलग्नको खोजी भइरहेको बताएको छ । प्रहरीका अनुसार जग्गाको लेनदेन विवादमा निरौलाको हत्या भएको जस्तो देखिन्छ ।