ब्राउन सुगर सहित ७ जना पक्राउ

विराटनगर । प्रहरीले मोरङ र उदयपुरबाट लागुऔषध ब्राउन सुगर सहित ७ जनालाई पक्राउ गरेको छ ।

कार्तिक ४ गते मोरङको रतुवामाई नगरपालिका– २ बाट झापा कमल गाउँपालिका– ५ का ४० वर्षीय संजय लिम्बु, दमकका २३ वर्षीय राजिब भुजेल, २३ वर्षीय अर्जुन लिम्बु, मोरङ पथरीशनिस्चरे– ५ का ३१ वर्षीय डेबिड खड्का र ३५ वर्षीय हेम बहादुर लिम्बुलाई ५ ग्राम ब्राउन सुगर सहित पक्राउ गरेको हो ।

जिल्ला प्रहरी कार्यालय उदयपुर र इलाका प्रहरी कार्यालय बेल्टारबाट खटिएको प्रहरी टोलीले बेलका नगरपालिका– ९ बाट सुनसरी भोक्राहा गाउँपालिका– ३ का २४ वर्षीय राजारोहित यादव र २१ वर्षीय अनिस शर्मालाई १ ग्राम ४७ मिलिग्राम ब्राउन सुगर सहित नियन्त्रणमा लिएको छ ।

पक्राउ परेकामाथि थप अनुसन्धान भइरहेको प्रहरीले बताएको छ ।