कांग्रेस छाडेका नमोनारायण माओवादीबाट ग्रामथान अध्यक्षको उम्मेदवार

विराटनगर । नेकपा (माओवादी केन्द्र)ले ग्रामथान गाउँपालिकाको उपनिर्वाचनको लागि अध्यक्षको उम्मेदवार घोषणा गरेको छ ।

सोमबार कांग्रेस छाडेर माओवादी केन्द्र प्रवेश गरेका नमोनारायण माझीलाई अध्यक्षको उम्मेदवार घोषणा गरेको हो ।

माझी ग्रामथान गाउँपालिकाको १ नम्बर वडाका पूर्व अध्यक्ष हुन् । ०७४ सालमा फोरम लोकतान्त्रिकबाट वडाध्यक्षमा निर्वाचित भएका उनी २०७९ सालको निर्वाचनमा स्वतन्त्र उम्मेदवार बनेका थिए । निर्वाचनमा उनी तेस्रो भए । त्यसपछि स्वतन्त्र रहेका उनी माओवादी केन्द्रमा प्रवेश गरेका थिए ।

२०७९ सालको पालिका निर्वाचनमा काङ्ग्रेसका जयप्रकाश गच्छदार विजयी भएका थिए । उनको हृदयघातका कारण मृत्यु भएपछि ग्रामथानमा उपनिर्वाचन हुन लागेको हो ।

मंसिर १६ गते उपनिर्वाचन हुँदैछ । उक्त निर्वाचनका लागि कांग्रेस र एमालेले भने उम्मेदवारको टुंगो लगाइसकेका छैनन् ।