रविका समर्थकमाथि प्रहरीले हान्याे अश्रुग्यास

काठमाडाैं । सहकारीको बचत रकम अपचलन गरेको आरोपमा रवि लामिछाने पक्राउ परेपछि सडकमा उत्रिएका उनका समर्थकलाई प्रहरीले अश्रुग्यास र पानीको फोहोरा प्रहार गरेको छ ।

पाेखरामा रास्वपा कार्यकर्ताहरूले निषेधित क्षेत्र तोडेर प्रदर्शन गरेपछि प्रहरीले सुरूमा पानीको फोहोरा हानेको थियो । तर, प्रदर्शनकारी नहटेपछि प्रहरीले अश्रुग्यास प्रहार गरेको हो ।

अश्रुग्यास प्रहार भएपछि रविका समर्थक तितरवितर भएका छन् । रविका समर्थक र सुरक्षाकर्मीबीच ठेलमठेलसमेत भएको थियो ।

रास्वपाले प्रदर्शन गर्ने घोषणा गरेपछि जिल्ला प्रशासन कार्यालय कास्कीले जिल्ला अदालत, सहिदचोक आसपास प्रशासनले निषेधित क्षेत्र तोकेको थियाे ।