अमेरिकालाई सुपर ओभरमा पराजित गर्दै नेपालले जित्यो सिरिज

विराटनगर । अमेरिकामा जारी अमेरिका र नेपालबीचको टी– २० आई को दोस्रो खेलमा नेपाल विजयी भएकाे छ । सिरिजअन्तर्गत दोस्रो खेल बराबरीमा टुंगिएपछि सुपर ओभरमा नेपाल विजयी भएको हो ।

नेपालले टस जितेर ब्याटिङ गर्दै अमेरिकालाई १७१ रनको लक्ष्य दिएको थियो । राेमाञ्चक खेलमा अमेरिकाले २० ओभरमा ८ विकेटको क्षतिमा १७० रन बनाउन सक्यो । त्यसपछि भएको सुपर ओभरमा नेपाल विजयी भयो ।

तीन खेलको सिरिजको पहिलो खेलमा अमेरिकामाथि नेपाल १७ रनले विजयी भएको थियो । दोस्रो खेल पनि जितेपछि एक खेलअघि नै नेपालले सिरिज जितेको छ ।