नेपालले अमेरिकालाई दियो १७१ रनको लक्ष्य, कुशलको ९२ रन

विराटनगर ।  टी– २० अन्तर्राष्ट्रिय खेलमा नेपालले अमेरिकालाई १७१ रनको लक्ष्य दिएको छ । अमेरिकाविरूद्धको दोस्रो टी– २० खेलमा नेपालले ६ विकेटकाे क्षतिमा १७० रन बनायाे ।

नेपालका लागि कुशल भूर्तेलले अविजित ९२ रन जोडे । उनले ५४ बलमा सात चौका र छ छक्का प्रहार गरे ।

टस जितेर पहिले ब्याटिङ रोजेको नेपालका लागि भूर्तेलले ३४ बलमा ४ चौका र ३ छक्का हानेसहित अर्धशतक प्रहार गरेका थिए । नेपालका लागि भुर्तेलले अविजित ९२ रन जोड्दा अनिल साहले २५ रन जोडे, कप्तान रोहित पौडेलले १८ रन जोडे, गुल्सन झाले १९ रन जोडे ।

बलिङमा अमेरिकाका जस्दीप सिंह र केन्जिगेले दुई दुई विकेट लिए ।

सिरिजको पहिलो खेलमा नेपाल १७ रनले विजयी भएकाे थियो। अब दुई टोलीबीच भोलि तेस्रो खेल हुनेछ ।