तोलामा २ हजार बढ्यो सुनको मुल्य

विराटनगर । सुनको मुल्यमा नयाँ रेकर्ड कायम भएको छ । शुक्रबार प्रतितोलामा २ हजार मुल्य बढेपछि नयाँ रेकर्ड कायम भएको हो ।

बिहीबार प्रतितोला १ लाख ६२ हजार ४ सय रुपैयाँमा कारोबार भएको थियो । आज १ लाख ६४ हजार ४ सय रुपैयाँ कायम भएको छ ।

अन्तर्राष्ट्रिय बजारमा मूल्य बढ्ने क्रम जारी रहेपछि त्यसको प्रभाव नेपाली बजारमा परेको सुनचाँदी व्यवसायी महासंघले जनाएको छ ।

अमेरिकी राष्ट्रपतिको चुनाव र त्यसबाट निम्तिन सक्ने परिणामसँगै मध्यपूर्वको भएको युद्धका कारण सुनमा लगानीकर्ता आकर्षित भएपछि मूल्य बढेको रोयटर्सले जनाएको छ ।

आज चाँदीको मुल्य पनि बढेको छ । बिहीबार प्रतितोला १९५० रुपैयाँ रहेको चाँदी आज १९८० रुपैयाँ पुगेको छ ।