साफ च्याम्पियनसिप नेपालकाे खेल आज

काठमाडौं । घरेलु मैदानमा जारी साफ वुमन्स च्याम्पियनसिप–२०२४ मा नेपालले आज भुटानसँग खेल्दैछ । खेल त्रिपुरेश्वरस्थित दशरथ रंगशालमा साँझ साढे ५ बजे सुरु हुनेछ । पहिलो खेलमा भारतले पारिकस्तानलाई पराजित गरेको थियो ।

गोल मेसिन भनेर चिनिएकी मुख्य स्ट्राइकर सावित्रा भण्डारी ‘साम्बा’ आजको खेलमा देखिने छैनन । फ्रेन्च महिला लिगमा व्यस्त रहेका कारण उनले पहिलो खेल गुमाउने भएकी हुन् । यसअघि साफ च्याम्पियनसिपमा भुटानसँग खेलेको हरेक खेलमा सावित्राले गोल गरेकी थिइन् ।

नेपालका लागि ४६ खेल खेलेकी सावित्राले सर्वाधिक ५३ गोलको रेकर्ड बनाएकी छन् ।

कात्तिक १४ गतेसम्म सञ्चालन हुने प्रतियोगितामा नेपालसहित माल्दिभ्स, पाकिस्तान, श्रीलङ्का, भारत, भुटान र बङ्गलादेश सहभागी छन् । प्रतियोगितामा सहभागी टोलीलाई दुई समूहमा विभाजन गरिएको छ ।

साविक विजेता बङ्गलादेशसहित भारत र पाकिस्तान समूह ‘ए’ मा छन् । समूह ‘बी’ मा नेपालसँगै भुटान, श्रीलङ्का र माल्दिभ्स छन् ।