पशुपतिको धर्मशाला विवादमा संस्कृति मन्त्रीको हस्तक्षेप

काठमाडौं । पशुपतिको गौशाला धर्मशालाको काम रोक्न संस्कृति, पर्यटन तथा नागरिक उड्डयन मन्त्री बद्रीप्रसाद पाण्डेले पशुपति क्षेत्र विकास कोषलाई निर्देशन दिएका छन् ।

‘शान्ति सुरक्षामा समस्या उत्पन्न भएको’ भन्दै पशुपति गौशाला धर्मशाला खाली गराउने काम रोक्न निर्देशन दिएका हुन् ।

पशुपति क्षेत्र विकास कोषका अध्यक्ष समेत रहेका मन्त्री पाण्डेले कोषका पदाधिकारीको बैठक पनि बोलाएका छन् ।

धर्मशालाको व्यवस्थापन जिम्मेवारी काठमाडौँ महानगरपालिकालाई दिने ७ बुँदे समझदारी भएपनि मारवाडी सेवा समितिले धर्मशाला छाड्न मानेको छैन । विवाद बढ्दै गएपछि मन्त्रीले हस्तक्षेप गर्दै धर्मशाला खाली गराउने काम रोक्न निर्देशन दिएका हुन् । मन्त्री पाण्डेले यसबारे छलफलका लागि आइतबार कोषका पदाधिकारीलाई बोलाएका छन् ।