आजबाट महिला साफ,उद्घाटन खेल भारत र पाकिस्तान भिड्दै

विराटनगर । दक्षिण एसियाली फुटबल (साफ) महिला च्याम्पियनसिप आजदेखि सुरु हुँदैछ । सातौँ संस्करणको प्रतियोगिता दशरथ रङ्गशालामा हुनेछ ।

प्रतियोगितामा नेपालसहित माल्दिभ्स, पाकिस्तान, श्रीलङ्का, भारत, भुटान र बङ्गलादेश सहभागी रहेको अखिल नेपाल फुटबल सङ्घले जनाएको छ । प्रतियोगिताको फाइनल खेल कात्तिक १४ गते हुनेछ ।

प्रतियोगितामा सहभागी टोलीलाई दुई समूहमा विभाजन गरिएको छ ।

साविक विजेता बङ्गलादेशसहित भारत र पाकिस्तान समूह ‘ए’ मा छन् । समूह ‘बी’ मा नेपालसँगै भुटान, श्रीलङ्का र माल्दिभ्स छन् ।

प्रतियोगिताको उद्घाटन खेल आज भारत र पाकिस्तानबीच हुनेछ । शुक्रबार नेपालले भुटानसँग खेल्नेछ ।