राष्ट्रपति निर्वाचनअघि चीनले अमेरिका पठायाे दुई पाण्डा

विराटनगर । चीनले अमेरिकालाई दुई वटा पाण्ड दिएको छ । चीनले दिएको पाण्डा वाशिंगटनको स्मिथसोनियन राष्ट्रिय चिडियाखानामा राखिएको छ ।

चीनबाट लामो उडान गरेर बाओ ली र किंग बाओ नामका दुई वटा पाण्डा मंगलबार अमेरिका पुगेका हुन् । जनवरीबाट मात्रै ति पाण्डा सार्वजनिक अवलोकनको लागि उपलब्ध हुनेछन् ।

अमेरिकी राष्ट्रपति निर्वाचन अघि चीनले पाण्डा  पठाएपछि चासाेका साथ हेरिएकाे छ । चीनले विगतमा पनि कुटनीतिक सम्बन्ध स्थापित गर्दा विभिन्न देशलाई पाण्डा उपहार दिएकाे थियाे ।

अमेरकी राष्ट्रपतिका उम्मेद्वार डोनाल्ड ट्रम्प र कमला ह्यारिसले आफ्नो चुनावी अभियानका क्रममा विदेश नीतिमा चीनको बढ्दो व्यापार प्रभावलाई रोक्ने बताउँदै आएका छन् ।

सन् १९७२ मा राष्ट्रपति रिचर्ड निक्सनले संयुक्त राज्य अमेरिका र चीनबीच कूटनीतिक सम्बन्ध स्थापना गर्दा पनि चीनले उपहार पठाएको थियो ।

चीनका राष्ट्रपति सी जिनपिङले गत नोभेम्बरमा अमेरिका भ्रमणका क्रममा पाण्डा  चीन र अमेरिका बीचको कूटनीतिको आधार भएको बताएका थिए । सीले सो भ्रमणका क्रममा अमेरिकी राष्ट्रपति जो बाइडेनसँग पनि भेट गरेका थिए ।

एजेन्सीकाे सहयाेगमा