विराटनगरमा होटल सञ्चालकमाथि खुकुरी प्रहार

विराटनगर । विराटनगरमा होटल तथा गीत गजल सञ्चालक माथि खुकुरी प्रहार भएको छ ।

विराटनगरको भूमी प्रशासन चोकमा रहेको मुन होटल तथा गीत गजलका सञ्चालक दिलिपकुमार भगतमाथि मंगलबार बेलुका खुकुरी प्रहार भएको हो ।

खुकुरी प्रहारबाट भगतको देब्रे हात र शरीरको अन्य भागमा चोट लागेको छ ।उनको अवस्था सामान्य छ ।

गीत गजलमा भएको विवादलाई लिएर उनीमाथि दुई जनाको समूहले खुकुरी प्रहार गरेको प्रहरीले बताएको छ ।

उनीमाथि विराटनगर– ९ का सावन दास र विनोद रायले खुकुरी प्रहार गरेको देखिएको प्रहरीले बताएको छ । घटनापछि फरार भएका उनीहरुको खोजी भइरहेको मोरङ प्रहरीले जनाएको छ ।