माइत गएकी महिलाकाे हत्या, पति पक्राउ

विराटनगर । पत्नीको हत्या आरोपमा झापाबाट प्रहरीले एक जनालाई पक्राउ गरेको छ ।

दसैंको टीकाको तेस्रो दिन सोमबार दिउँसो करिब ४ बजे झापाको अर्जुनधारा नगरपालिका– ३ दार्जिलिङ डाँडामा ३७ वर्षीया मुना चौहानको आरोपमा उनका पति सोही स्थानका ४६ वर्षीय वीरबहादुर चौहानलाई पक्राउ गरेको हो ।

प्रहरीका अनुसार भरत कुमालको घरमा मुनाको हत्या भएको हो । सो घर मुनाको माइती हो ।

सोमबार दिउँसो सामान्य विवादमा उनले धारिलो हतियारले घाटीमा प्रहार गरेको देखिएको प्रहरीले बताएको छ ।

हतियार प्रहारबाट मुनाको घटनास्थलमै मृत्यु भएको थियो । घटनापछि फरार भएका वीरबहादुरलाई प्रहरीले जुकेखाडी जंगलबाट पक्राउ गरेको हो ।