श्रीमतीको टाउको बोकेर हिँडिरहेका पुरुष पक्राउ 

विराटनगर । उदयरपुरमा महिलाको टाउको बोकेर हिडिरहेका पुरुषलाई प्रहरीले पक्राउ गरेको छ ।

उदयपुरको त्रियुगा नगरपालिका–६ जलजलेका ३६ वर्षीय जंग बहादुर घिसिङलाई पक्राउ गरेको हो ।

प्रहरीका अनुसार उनले श्रीमतीको हत्या गरी टाउको बाकेर हिडेका हुन् । घिसिङले पनि श्रीमतीको हत्या गरेको स्वीकार गरेका छन् ।

प्रहरीका अनुसार उनी डेराबाट श्रीमतीको टाउको बोकेर प्रहरी कार्यालय आइरहेका थिए । बाटोमा प्रहरीले भेटेपछि उनलाई इलाका प्रहरी कार्यालय जलजलेमा लगेको थियो ।

सामान्य घरायसी विवादमा उनले श्रीमती अन्दाजी २८ वर्षीय प्रमिला लामाको हत्या गरी टाउको बोकेर हिडेको देखिएको प्रहरीले बताएको छ ।

उदयपुरकै ताप्ली गाउँपालिका–४ ठानागाउँ स्थायी घरका उनीहरु जलजलेमा बस्दै आएका थिए ।