धनकुटामा प्रहरीले गर्याे गाँजा फडानी

विराटनगर । प्रहरीले धनकुटाको विभिन्न स्थानमा लगाइएको गाँजा फडानी गरेको छ ।

पाख्रिबास नगरपालिका, शहिदभुमी र साँगुरीगढी गाउँपालिकाको विभिन्न स्थानमा लगाइएको गाँजा फडानी गरेको हो ।

खेती लगाएको र आफै उम्रिएका गाँजाको १० हजार बोट र विरुवा नष्ट गरेको प्रहरीले बताएको छ ।

प्रदेश प्रहरी कार्यालय विराटनगरका अनुसार असोज २१ गते इलाका प्रहरी कार्यालय छिन्ताङ, भेडेटार र प्रहरी चौकी हिलेबाट खटिएको प्रहरी टोलीले शहिदभुमी गाउँपालिका– ३, ४ र ५ को १० रोपनी क्षेत्रफलमा रहेका ६ हजार ५०० बोट, साँगुरीगढी– ७ र ८ मा २ हजार ५०० बोट र पाख्रिबास– १० मा ९ सय बोट नष्ट गरेको हाे ।